COVID19, shtohet staf i ri në QSUT, Manastirliu: Përgatitje për hapjen e Covid3 dhe strategji për në vjeshtë dhe dimër
Rekrutohet staf i ri mjekësor në QSUT dhe janë drejt përfundimit përgatitjet për hapjen e spitalit COVID3. Ministrja e Shëndetësisë dhe Mbrojtjes Sociale, Ogerta Manastirliu, ka inspektuar spitalin e përshtatur COVID3 ku aktualisht ka filluar rekrutimi i 50 infermierëve, i cili po merr eksperiencë në spitalin Infektiv, për t’u përgatitur për një fluks të mundshëm të shtimit të rasteve, që do të kërkojë edhe hapjen e spitaleve COVID3 dhe COVID4.
Ndërsa përgjegjësi për burimet njerëzore për situatën e epidemisë, prof. Arben Gjata u shpreh se ka një plan të organizuar për përfshirjen që nga vullnetarët gjithashtu do të aktivizohen të gjithë stazhierët e disa specialiteteve,
Ministrja e Shëndetësisë deklaroi se po përgatitet plani i veprimit për vjeshtë-dimrin, bazuar mbi një strategji të qartë.
Manastirliu ka kërkuar bashkëpunimin e qytetarëve për respektimin e rregullave.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.