Ç’po ndodh në Britani? Për herë të parë borxhi publik ja kalon PBB-së!
Për herë të parë që nga viti 1963, një periudhë 57-vjeçare që përfshin pesë recesione, borxhi kombëtar parashikohet të jetë më i madh se të ardhurat kombëtare në Britani. E thënë ndryshe, Mbretëria e Madhe do të ketë detyrime më shumë sesa prodhon ekonomia e saj për këtë vit.
Sipas Zyrës për Statistikat Kombëtare (ONS) borxhi neto i sektorit publik do të arrijë në 1.95 trilionë këtë vit, ose 100.9% të produktit të brendshëm bruto.
Në maj, qeveria huazoi 55.2 miliardë dollarë, huazimi mujor më i lartë që nga regjistrimet e para në 1993 dhe nëntë herë më shumë sesa huaja prej 5.6 miliardë paundësh majin e kaluar.
ONS vlerëson se totali për dy muajt e fundit është 103.7 miliardë, 87 miliardë më shumë se në të njëjtën periudhë të vitit të kaluar.
Qeverisë i është dashur të marrë hua për të financuar përgjigjet shëndetësore dhe programin e madh të mbështetjes ekonomike, të gjitha në një kohë kur faturat e taksave kanë rënë për shkak të mbylljes së aktivitetit ekonomik.
Skema e mbajtjes së vendeve të punës mbështeti rritjen e 8,7 milion punëtorëve në maj me një kosto prej 17.5 miliardë paund, me një shtesë të mëtejshme prej 7.6 miliardë paund të shpenzuar për mbështetjen e 2.5 milion të vetëpunësuarve.
Lajmi i mirë është se këto para kanë mbajtur në punë një numër të madh të njerëzve, që do rrit shpresën për një rimëkëmbje të shpejtë të ekonomisë. E keqja është se këto shifra ende nuk kanë arritur kulmin.
D.B – SCAN
Burimi: BBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.