Credins mbështet agroturizmin, Ceta: “Pak dokumente e interesa të ulta”. Shalsi: “Paketa të përballueshme për fermerët”
Investitorë, sipërmarrës dhe përfaqësues të institucioneve qendrore e lokale u bënë bashkë gjatë një aktiviteti të mbështetur nga Credins Bank, me fokus agroturizmin, si një nga sektorët prioritarë të investimit. Ministri i Shtetit për Mbrojtjen e Sipërmarrjes, Eduard Shalsi theksoi rëndësinë e investimit në këtë degë të bujqësisë, si një sektor me potencial të lartë në drejtim të zhvillimit ekonomik, punësimit dhe zhvillimit të zonave rurale.
“Nuk mund të ketë zhvillim të ekonomisë, pa zhvillimin rural. Dhe ndër komponentët më të rëndësishëm që kanë marr zhvillim në Shqipëri, agroturizmi është i rëndësishëm në këtë aspekt.”
Në funksion të mbështetjes së këtyre investitorëve Credins Bank ka zhvilluar kredi të veçanta për bujqësinë, blegtorinë, agropërpunimin dhe agroturizmin, duke thjeshtuar dokumentacionin dhe lehtësuar kredimarrjen.
“Credins Banka k vite që mbështet agrobiznesin. Kemi një dokumentacion jo të madh dhe një kredidhënie Te ne mund të zgjasin 700 – 800 mijë lekë të reja dhe mund ta marrin vetëm një çift apo familjar. Mjafton një NIPT biznesi dhe kartë identiteti dhe këto shuma 1 milino deri në 2 milion lekë të reja mund të merren. Ne në këtë fushë të bujqësisë, blegtorisë dhe bizneseve të mëdha japim deri në 350 milion lekë të reja.
Ceta shpjegon dhe disa avantazhe të tjera që ofron Credins Bank, në drejtim të sigurimit të jetës si dhe faljes së interesit në rast të shlyerjes së kredisë para afatit.
E ka për 60 muaj, e shlyeu për 32 muaj kaq mbahet interesi ndërsa për pjesën tjetër falet interesi. Për pjesën e kredive deri në 3 milion lekë të reja biznesi nuk paguan sigurim jete. Kemi bërë edhe nëj risi të reja ku deri ën 5 milion lekë të reja nuk bëhen më noterizime.
Gjithashtu, pagesat për kreditë e agrobiznesit përshtaten në varësi të të ardhurave.
Pagesat mund të realizohen në varësi të periudhës që ka të ardhurat. Nuk e rëndojnë në një kohë që nuk ka vlerën materiale për të shitur, duke e lënë zero.”
Ministri për Mbrojtjen e Sipërmarrjes vlerëson paketat që sektori bankar ofron për fermerët.
“Nëse bankat vite më para ishin të papërgatitura dhe e konsideronin një sektor me risk, tashmë e po alokojnë fonde të konsiderueshme dhe ne jemi të kënaqur që edhe sistemi bankar përpos skenave të mbështetjes po bëhet gjithnjë e më atraktiv, sepse kanë thjeshtuar procedurat ka filluar nëj trend i uljes së interesave. Ne jemi të kënaqur që po ofrohen paketa të përballueshme për fermerët shqiptarë.” – u shpreh ministri.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.