Çregjistrohen 132 mijë makina e motorë – Verifikoni targën tuaj në listën e publikuar nga DSHPTRR
Drejtoria e përgjithshme e Transportit Rrugor ka publikuar listat me 132 mijë mjetet të cilat do të nxirren nga qarkullimi.
Listat përmbajnë targën dhe llojin e secilit mjet, markën, ngjyrën dhe vitin e prodhimit.
Çdo person apo subjekt që gjen targën e mjetit të publikuar në listë, mund të paraqitet pranë drejtorisë rajonale përkatëse për të kryer falas procedurat e çregjistrimit.
Nga maji i këtij viti ka hyrë në fuqi ligji për shuarjen e detyrimeve tatimore e doganore. Falë tij u është dhënë mundësia e çregjistrimit pa asnjë pagesë të gjitha mjeteve që nuk paguajnë taksa prej vitesh.
Ligji u jep mundësinë personave që duan t’i mbajnë mjetet në qarkullim, ta bëjnë këtë duke paguar taksat pa penalitete e kamatvonesa.
Për të kryer procedurën e çregjistrimit personat duhet të paraqesin pranë drejtorive rajonale dokumentin e identifikimit, certifikatën e pronësisë së mjetit, lejen e qarkullimit si dhe targat e mjetit.
Kur nuk disponojnë këto dokumente të plota, subjekti mund ta kryejnë procedurën e çregjistrimit duke plotësuar një formular vetëdeklarimi, ku vërteton pronësinë e mjetit dhe që nuk zotëron dokumentacionin e targat e tij.
Nga ky ligj parashikohet të përfitojnë rreth 140 mijë mjete transporti.
Drejtoria e përgjithshme e transportit rrugor ka bërë me dije se çdo mjet që nuk do të kryejë procedurën e çregjistrimit e do të mbahet në qarkullim pa paguar taksat do të konfiskohet automatikisht nga forcat e rendit.
Tirana numëron edhe numrin më të madh të mjeteve në pritje të çregjistrimit, rreth 49 mijë, e pasuar nga Durrësi e Vlora.
Listën me 132 mijë targat që do dalin nga qarkullimi do të mund ta konsultoni më poshtë.
Lorenc Rabeta/SCAN
(Për të gjetur targën e automjetit tuaj shtypni në tastierë butonat CTRL+F. Në kutinë që hapet shkruani pa hapësira gërmat dhe numrat)
Drejtoria Rajonale BERAT Lista 1 Lista 2
Drejtoria Rajonale DIBER Lista 1 Lista 2
Drejtoria Rajonale DURRES Lista 1 Lista 2
Drejtoria Rajonale ELBASAN Lista 1 Lista 2
Drejtoria Rajonale FIER Lista 1 Lista 2
Drejtoria Rajonale GJIROKASTËR Lista 1 Lista 2
Drejtoria Rajonale KORÇË Lista 1 Lista 2
Drejtoria Rajonale KUKËS Lista 1 Lista 2
Drejtoria Rajonale LAÇ Lista 1 Lista 2
Drejtoria Rajonale SHKODËR Lista 1 Lista 2
Drejtoria Rajonale SARANDE Lista 1 Lista 2
Drejtoria Rajonale TIRANE Lista 1 Lista 2
Drejtoria Rajonale VLORE Lista 1 Lista 2
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.