CureVac pranë miratimit në BE / Flitet se po zgjeron kapacitetin e prodhimit. Përdor teknologjinë “mARN”

CureVac e Gjermanisë pritet të marrë miratim në Evropë për vaksinën e Covid-19 deri në Qershor, dhe po përpiqet të zgjerojë kapacitetin e prodhimit, sipas të përditshmes Augsburger Allgemeine.  Që prej themelimit në vitin 2000, kompania e bioteknologjisë është përqendruar tek teknologjia e mesazheve përmes ARN, që është bërë edhe fokusi i negociatave të Bashkimit Evropian së fundmi.  Qasja me lajmëtarin e ARN, është bërë popullore nëpërmjet vaksinave të koronavirusit të zhvilluara nga Pfizer dhe Moderna.  Megjithatë, më shumë volume do të nevojiten për të nxitur mbulimin e ngadaltë të imunizimit në Evropë, si dhe me shumë mundësi për doza të treta nxitëse.  “Presim një miratim brenda tremujorit të dytë”- theksoi e përditshmja duke cituar një zëdhënës të kompanisë.  Firma, e listuar në  Nasdaq, që mbështetet nga investitorë si Dietmar Hopp, GlaxoSmithKline  si dhe qeveria gjermane, ka bërë të ditur se synon të prodhojë 300 milionë doza të vaksinës në vitin 2021.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.