Cutillo dhe Ekonomi vizitojnë kompanitë përfituese të fondeve për SME, premtojnë mbështetje të mëtejshme
Ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi vizitoi sëbashku me Ambasadorin Italian Alberto Cutillo dy kompani përfituese të fondeve nga Italia, për mbështetjen e biznesit të vogël e të mesëm.
Në Tiranë ministrja dhe ambasadori vizituan një kompani që merret me produkte pastiçerie. Alta Group është përfituese e programit Italo-Shqiptar për zhvillimin e SME, me shumën e 200 mijë eurove.
Ekonomi dhe Cutillo u ndalën dhe në Elbasan, në kompaninë Muka Group. Kompania e cila punëson rreth 750 njerëz në Tiranë e Elbasan, prodhon veshje Made in Albania të destinuara për eksport. Biznesi është përfitues nga programi “Kontrata 1 Euro” dhe nga Programi Italian për SME.
Ministrja e ka vlerësuar punën që ka kryer kompania drejt rritjes së punësimit dhe ka shprehur mbështetje për iniciativa të ngjashme.
“Do vazhdojmë të mbështesim kompani që duan të rriten”,u shpreh Ekonomi.
Nga programi italian PRODAPS kanë përfituar 109 projekte të sipërmarrjeve shqiptare, duke krijuar 1500 vende të reja pune dhe duke investuar 24 milionë Euro.
Grazie a 109 progetti imprenditoriali finanziati con Programma PRODAPS investimenti per oltre 24 mil € e creazione di 1500 posti di lavoro.
— Italy in Albania (@ItalyinALB) February 10, 2017
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.