Dasma nënujore dhe zemra me tanke: Mënyrat më unike në botë për të festuar ditën e Shën Valentinit! (FOTOT)

Çdo vit më 14 shkurt, njerëz nga e gjithë bota festojnë Ditën e Shën Valentinit. Me origjinë nga celebrimi i kishës së krishterë të Shën Valentinit, festa është një kohë për romancë, dashuri dhe ekzaminim të saktësisë së harkut dhe shigjetës së kupidit.

Tradicionalisht, disa çifte blejnë trëndafila, çokollata, një kartolinë ose madje shijojnë një vakt romantik të ndezur me qirinj së bashku. Të tjerë e shprehin ndjenjën e tyre në mënyra shumë më të çuditshme, nga metodat radikale të propozimit deri te konkurset e plota të puthjeve. Këtu janë disa nga mënyrat e pazakonta se si njerëzit e përkujtojnë Ditën e Shën Valentinit në të gjithë globin.

Gara vjetore e puthjeve në Serbi

Në Serbi, çdo vit zhvillohet një garë e puthjes më të gjatë për të shënuar ditën e Shën Valentinit.

Ka shumë peshq në det në dasmat nënujore të Tajlandës

Që nga fillimi i vitit 1996, provinca e Trang, në Tajlandë u njoh globalisht për ngjarjen e saj të famshme “Dasma nënujore”, e cila përkon me ditën më romantike të vitit, 14 Shkurtin.

Luga e drunjtë e Uellsit daton me shekuj

Në ishullin Llanddwyn pranë brigjeve të Uellsit, nëse doni të joshni dikë, nuk i jepni të dashurit tuaj çokollata, lule apo bizhuteri; ju jepni atyre një ‘lugë dashurie’. Sipas folklorit të Uellsit, këto lugë të gdhendura me zbukurime janë bërë tradicionalisht nga të rinjtë si shenjë dashurie për partnerët e tyre, një traditë që daton që nga shekulli i 17-të. Në Uells, ata kanë versionin e tyre të Ditës së Shën Valentinit të quajtur Dita e Shën Dwynwen e cila festohet më 25 janar.

Letrat misterioze të dashurisë së Danimarkës përfundojnë me një kënaqësi të ëmbël

Një nga mënyrat më të mëdha për të festuar Ditën e Shën Valentinit në Danimarkë është shkëmbimi i një karte sekrete të të dashuruarve, e njohur ndryshe si “gaekkebrev”, që përkthehet lirshëm në “letër shaka”. Këto karta shpesh përmbajnë një poezi qesharake dashurie dhe shkruhen në një copë letre të prerë posaçërisht.

Disa dashuri mund të jenë… shtazarake!

Më 14 shkurt, shumë kopshte zoologjike anembanë botës i trajtojnë kafshët e tyre me ushqime me tematikë romantike – si kopshti zoologjik i Londrës, i cili vitin e kaluar ushqeu majmunët e tyre të dashur me qese zemre të varura, të mbushura me krimba.

‘Tank’enderit shumë!

Një ushtar rus përdori gjithçka kishte në dorë në vitin 2020 për t’i propozuar për martesë të dashurës së tij me një marifet me oktan të lartë në ditën e Shën Valentinit. Me kolegët e tij oficerë, 16 tanke T-72B3 u rrotulluan në pozicion për të formuar një formë zemre. Togeri Denis Kazantsev e çoi të dashurën e tij në qendër të tankeve, ku më pas i propozoi dhe i dha lule të kuqe. E fejuara e tij e ardhshme, Alexandra Kopytova, jo-çuditërisht tha “po”.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.