Debati për efektet e paketës fiskale 2019- Irena Beqiraj, Shpëtim Nazarko e Artan Hoxha në “Argument”: Pse ka nevojë për një filozofi tjetër!
Ish zëvëndësministrja e Financave Irena Beqiraj ka komentuar ndryshimet e reja në paketën fiskale duke i cilësuar ato si masa që çlirojnë disa energji por që nuk çlirojnë ekonominë. E ftuar në emisionin “Argument” të gazetarit Enio Civici, Beqiraj tha se mbështet idenë e një reforme terësore të politikës së taksave. Beqiraj evidentoi nevojën e përqendrimit taksimit për të gjitha të ardhurat e individit dhe jo taksimit në mënyrë të diferencuar i tyre.
“Mendoj që taksimi në Shqipëri ka nevojë për reformë terësore dhe ndryshim filozofie. Qeveritë përpiqen që të bëjnë uljen e taksave me idenë që të çlirojnë ekonominë por ajo që kemi provuar në 28 vite nuk është ulja e taksave “per se” nuk çliron ekonominë por një taksim i drejtë. Duhet të mendojmë për taksimin e të ardhurave të mbledhura të gjitha bashkë interesat dividenti, të drejtat e autorit etj dhe vendosja e një takse. Ajo që duhet të vendosim është një taksim më i drejtë” tha Beqiraj.
Të njëjtin mendim ndau edhe analisti Shpëtim Nazarko. Sipas tij, politikat e taksave kanë dëshmuar paaftësitë e qeverive për t’i mbledhur ato, duke sjellë mbledhjen e tyre vetëm në kategori të caktuara të shoqërisë. Sipas Nazarkos, Shqipëria nuk ka fuqi që të aplikojë taksë progresive në kushtet e informalitetit të lartë që kanë vend.
“Problemi qendron këtu që ne nuk kemi një shtet i cili të ketë numrin e banorëve, ta ketë të regjistuar popullatën, pasuritë që ka vendi. Nuk bën dot inventarin vetë ndaj i bihet në kokë 1500 intelelektualëve. Ne nuk kemi ku mbledhim taksa se nuk dijmë ku është 50 përqind e pronësisë ndaj do e kapin intelektualin që e merr pagën ne bankë. Duhet të ndryshojë filofozia” tha Nazarko.
Ndërkohë analisti Artan Hoxha evidentoi se politika e taksave që po ndjek qeveria aktuale është një rikthim në politikën fiskale të qeverisë së mëparshme, por në një rrugë tjetër që nuk garanton riinvetsimin e fitimeve.
“Qeveria ka parë që rritja e shkallës tatimore nuk ka inkurajuar investime të huaja direkte, krijim të bizneseve, se është rritje e barrës dhe është rikthyer të tatimi i qeverisë së mëparshme po me një rrugë tjetër. Por me skemën e re dekurajon riinvetsimin dhe sjell tërheqjen e fitimit. Efekti si barrë tatimore duken afër por efekti i barrës tatimore nuk është nxitës për riinvetsimin e fitimit. Qeveria aktuale u detyrua që të vijë afërsisht në pikën e barrës fiskale të qeverisë së kaluar por efekti i kompozuar i taksave nuk është nxitës por përkundrazi është jopozitiv” tha Hoxha.
SCAN
Posted by RADIO TELEVIZIONI SCAN on Monday, January 7, 2019
* “Argument”, një vlerë e shtuar televizive
Emisionet e “prime time-t” në Shqipëri duket se flasin për gjithçka. Por diçka mungon: informacioni i saktë dhe objektiv mbi politikat ekonomike dhe zgjidhjet e duhura për zhvillim. Kjo është vlera që “Argument” synon t’i shtojë mbrëmjeve të së hënës dhe së enjtes.
Nga këtu nis dhe frymëzimi për të risjellë një “Argument” të ri, të ndryshuar për t’iu shërbyer të gjithë shikuesve dhe të gjitha shqetësimeve të tyre. Emisioni këtë sezon vjen i rikonceptuar në funksion të formatit të tij dhe debatit që zhvillohet në ekranet shqiptare.
Formati i rimenduar e sjell edhe këtë herë Enio Civici në ekran, çdo të hënë dhe të enjte, prej orës 21:00. Synimi kryesor është ballafaqimi i figurave kryesore të skenës politike dhe më tej, me të vërtetën, me publikun dhe me njëri-tjetrin.
Të hënave, debati do të përqëndrohet në një personazh të rëndësishëm të politikës, ekonomisë, kulturës apo edhe shkencës. Ndërsa të enjteve, debati do të pasurohet nga prania në studio e analistëve, ekspertëve dhe opinionbërësve nga Shqipëria, por jo vetëm.
“Argument” nuk do trajtojë vetëm atë që ndodh në vendin tonë. Në fokusin e tij do të jenë edhe zhvillimet tej hapësirës shqiptare, do të debatohen ndërlidhjet e problemeve ekonomike me vendet e rajonit dhe më gjerë. Rruga e përbashkët e vendeve të Ballkanit Perëndimor drejt Bashkimit Europian, na nxit të shohim dhe analizojmë në thellësi bashkëpunimin në terma politiko-ekonomikë midis Shqipërisë, Serbisë, Kosovës, Malit të Zi, Maqedonisë dhe Bosnje & Hercegovinës.
Nga ana tjetër, përplasjet e reja dhe konfliket e vjetra, rrisin rëndësinë e përfshirjes së përfaqësuesve nga vendet e rajonit në emision dhe si rrjedhojë, ne debatin publik shqiptar.
Zakonisht në studiot televizive zhvillohen debate që përfshijnë politikanë, analistë dhe ekspertë, ndërkohë që publiku mbetet jashtë studiove. Nisur nga nevojat dhe shqetësimet e shumta që lidhen kryesisht me ekonominë familjare dhe problemet e përditshme të shqiptarëve, “Argument” ka menduar t’i bëjë edhe ata pjesë integrale të emisionit. Debati në studio prek jetët e shikuesve, por debati në shtëpitë e shikuesve prek padyshim jetën dhe bërthamën e një emisioni talk-show.
Prandaj, është mendur që në këtë version të ri të emisionit, komunikimi me publikun të jetë parësor. Jo vetëm si burim informacioni, por edhe si një hapësirë për të raportuar, denoncuar, pse jo edhe për të kritikuar apo lavdëruar. Përfshirja e shikuesve në emision do të realizohet në forma të ndryshme: lidhjet direkte nga terreni, lidhjet me skype, komunikimi me telefon dhe komunikimi i vazhdueshëm në profilet në rrjetet sociale të emisionit.
Emisioni “Argument” ka tashmë tre hapësira të dedikuara në Facebook, Instagram dhe Tëitter, ku ndjekësit mund të shkruajnë ose marrin në telefon para, gjatë dhe pas emisionit. Vëmendje e veçantë do iu kushtohet komenteve interesante të lidhura ngushtë me temën, apo atyre që japin informacion ekskluziv.
Në “Argument” do të ndërthuren eksperienca e debatit publik me emocionet dhe kuriozitetin e metodave novatore të teknologjisë së informacionit. Intervistat dhe prononcimet ekskluzive të liderëve të shoqërisë shqiptare dhe ballkanike do të jenë pika e referimit nga do të nisin raportimet dhe analizat tona.
Argument vjen në një moment saturimi të diskutimit televiziv ku vërehet varfëri në tema dhe në personazhe. Përfshirja e elementit ekonomik, pra këndvështrimi i shtuar financiar, në secilin diskutim publik si ai politik, diplomatik, infrastruktror, kulturor dhe shëndetësor, është risia jonë në arenën e debatit publik shqiptar.
Me panele të ftuarish me përfaqësues të spikatur të shqetësimeve publike si edhe me ballafaqimin mes palëve të interesit, ne do të shkojmë në shtëpitë shqiptare si alternativa e duhur. Do të raportojmë, denoncojmë, informojmë dhe analizojmë por mbi të gjitha misioni ynë do të jetë të frymëzojmë.
Një Shqipëri së cilës i mungon impulsi, kërkon jo vetëm të dëgjojë të vërtetën, por mbi të gjitha atë të vërtetë që do të përmirësojë jetën e secilit.
Misioni ynë do të jetë dhe ky…
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.