Defekt teknik në avion – Fragmente të ‘Norvegian Boeing’ shkaktojnë dëme afër aeroportit të Fiumicinos

Fragmente të një linje ajrore norvegjeze Boeing 787 kanë dëmtuar makina dhe çati në afërsi të aeroportit Fiumicinos, në Romë, pasi u shkëputën nga avioni menjëherë pas ngritjes së tij në ajër. Një zëdhënëse nga agjencia e mbrojtjes civile në Itali konfirmoi incidentin për Euronews, duke shtuar se shumica e pjesëve binin rreth zonës së Isola Sacra në qytetin e Fiumicino jo shumë larg nga aeroporti. “Fragmentet shkaktuan dëme në makina, shtëpi, çati dhe mbi objekte të tjera në kopshtet e njerëzve.” Por nuk pati raportime për të lënduar dhe viktima.

Ajo shtoi se oficerët e mbrojtjes civile shkuan në vendngjarje me kërkesë të policisë lokale për të vlerësuar dëmin. Një zëdhënëse e linjave ajrore Norvegjeze i tha Euronews se një fluturim nga Roma për në Los Angeles duhej të kthehej në aeroportin Fiumicino “për shkak të indikacioneve për defekt teknik të njërit prej motorëve“. Ajo shtoi se avioni u ul në mënyrë të sigurt.

Esterino Montino, kryetari i bashkisë së Fiumincinos, gjithashtu konfirmoi incidentin në një postim në Facebook, duke përmendur se administrata e tij tashmë e kish ngritur dhe më parë problemin e ngritjes së avionëve kaq pranë zonave të banuara. Agjencia italiane e sigurisë së fluturimit (ENAC) po heton ngjarjen sipas raporteve të mediave italiane. (Euronews)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.