Defiçiti buxhetor në SHBA/ Më i larti në 7 vite. I afrohet përsëri 1 trilion dollarëve
Qeveria e Shteteve të Bashkuara e mbylli vitin fiskal 2019 me defiçitin buxhetor më të madh në 7 vite, ndërkohë që rritjet e faturave tatimore nuk krahasoheshin me shpenzimet e mëdha dhe pagesat e shërbimit të borxhit, sipas Departamentit të Thesarit.
Është hera e parë që prej fillimit të viteve 80’ që defiçiti buxhetor rritet për 4 vite radhazi. Shifra reflekton buxhetin e dytë të plotë nën presidentin Donald Trump. Defiçiti në Shtetet e Bashkuara u zgjerua në 984 miliardë dollarë, që është ekuivalent me 4.6% të Produktit të Brendshëm Bruto.
Viti i kaluar fiskal regjistroi një hendek prej 779 miliardë dollarë, në 3.8% të PBB. Të ardhurat nga faturat tatimore u rritën me 4% në 3.5 trilionë dollarë, por zërat dalës patën rritje me 8.2%, në 4.4 trilionë dollarë.
Në vitin 2009, defiçiti arriti kulmin prej 1.4 trilionë dollarë, ndërkohë që administrata e Barack Obana dhe Kongresi ndërmorrën masa emergjencë për të ndihmuar sistemin bankar gjatë krizës financiare.
Defiçiti vjetor u reduktua në 585 miliardë dollarë në fund të mandatit të dytë të Barack Obama dhe republikanët e kritikuan presidentin për mos reduktimin sa ç’duhet. Që prej atëherë, hendeku është rritur ndjeshëm kryesisht prej sistemit tatimor republikan.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.