Deklarimi real i transaksioneve në 11 muaj – Të ardhurat nga tatim-fitimi rriten me 846 mln lekë
Ndryshimet në sistemin e taksimit, gjatë viteve të fundit nga qeveria, kanë dhënë efektet e pritshme në të ardhurat e buxhetit të shtetit. Kështu më ndryshimin e qeverisjes në 2013 u bë dhe rritja e taksës së tatim fitimit për bizneset nga 10 % ne 15 %.
Nga të dhënat zyrtare të Ministrisë së Financave rezulton, se të ardhurat për 11 mujorin e vitit që shkoi, nga tatimi mbi fitimin janë realizuar në vlerën 27.6 miliard lekë, ose 1.5 miliard lekë më shumë se e njëjta periudhë e vitit 2016 dhe 846 milion lekë më shumë se plani.
Sipas analizës së specialistëve të Financave publike, ndikimin kryesor në këtë rezultat e ka patur rritja e ndërgjegjësimit të taksapaguesve për deklarimin real të transaksioneve deri tek konsumatorët fundorë.
Lidhur me këtë mund të themi se ka ndikuar edhe aksioni ndaj informalitetit, si dhe kontrollet apo analiza tashmë në bazë të riskut që planifikohet nga administrate tatimore.
Por rritja e ngarkesës tatimore duket se solli stabilitetin e prishëm në buxhet, por edhe qëndrueshmërinë makroekonomike të vendit. Vendi ynë supozohet se ka një fshehje të të ardhurave fiskale në vlerën afërsisht 40 % të Prodhimit të Brendshëm Bruto.
Për këtë qeveria ndërmori aksionin ndaj informalitetit, i cili u zbatua më disa faza dhe në nivele të ndryshme të biznesit.
Lidhur me këtë gjatë vitit të kaluar qeveria miratoi një paketë me lehtësi në procedura për biznesin. Ndërkohë që zbatoi edhe një lloj “amnistie” për detyrime të papaguara që sipërmarrja e i ka administratës fiskale.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.