Dekretet e Presidentit – Visho Ajazi Lika emërohet Ambasador në NATO, Igli Hasani në OSBE dhe Albana Dautllari në Strasburg

Presidenti Meta ka dekretuar emërimin në detyrë të Ambasadorëve në NATO, pranë misionit të OSBE, dhe pranë Misionit të Përhershëm të Republikës së Shqipërisë në Strasburg.

Konkretisht Meta ka dekretuar emërimin e zotit Visho Ajazi Lika, ambasador në NATO, rezident.

Në detyrën e Ambasadorit të Jashtëzakonshëm dhe Fuqiplotë të Republikës së Shqipërisë pranë Misionit të OSBE-së dhe Organizatave Ndërkombëtare në Vjenë emërohet Igli Hasani.

Ndërkohë në detyrën e ambasadorit të Jashtëzakonshëm dhe Fuqiplotë të Republikës së Shqipërisë në Misionin e Përhershëm të Republikës së Shqipërisë në Strasburg, rezident është emëruar Albana Dautllari.

os.de/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.