Dekretimi i kreut të SHISH, Rama: Uroj drejtorin e ri, shpejtësi në reformimin e thellë të institucionit!
Kryeministri Edi Rama ka reaguar ndaj dekretimit të kreut të Shërbimit Informativ Helidon Bendo nga kreu i shtetit. Në fjalën e mbajtur në Parlament lidhur me dekretimin e vonuar të kreut të SHISH, kryeministri tha se tashmë ky institucion i rëndësishëm për sigurinë kombëtare mund të reformohet thellësisht.
“Bendo u dekretua drejtor i SHISH. Realisht çdo reflektim pozitiv është për t’u përshëndetur. Aq më tepër unë e përshëndes dekretin presidencial dhe e uroj drejtorin e ri të Shërbimit të vijojë me suksese punën e nisur dhe ta çojë me shpejtësi për reformimin e thellë të atij institucioni të rëndësishëm për sigurinë kombëtare” tha kryeministri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.