Del emri/ Kush është komanduar drejtues i Autoritetit Rrugor Shqiptar

Ergys Verdho është drejtuesi i ri i Autoritetit Rrugor Zyrtar. Kjo bëhet e ditur në një njoftim të Ministrisë së Energjisë dhe Infrastrukturës, për inspektimin që bëri ministrja Belinda Balluku në segmentin rrugor Tiranë-Ndroq-Plepa.

Pak javë më parë, drejtuesja e Autoritetit Rrugor Shqiptar Sonila Qato dha dorëheqjen. Në vend të saj u emërua Vasilika Vjero por kjo e fundit njoftoi largimin nga detyra pa i mbushur dy javë.

Verdho mbante më parë detyrën e zëvëndësdrejtorit të Përgjithshëm të Autoritetit Rrugor Shqiptar dhe si i tillë është komanduar drejtues i ARRSH-së. Mbetet për t’u parë nëse qeveria do të miratojë një drejtues tjetër apo do të vijojë duke zyrtarizuar si drejtues të përhershëm, drejtorin e komanduar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.