Delta bën “kërdinë” në jug të SHBA – Louisiana dhe Florida, rekord të pacientëve në spitale
Shtrimi në spital me Covid në Louisiana dhe Florida është rritur në nivelin më të lartë deri më tani, duke bërë që mjekët e ngarkuar t’i kërkojnë të pavaksinuarve që të imunizohen, përballë variantit Delta. Rritja e këtij varianti ka bërë që guvernatori i Louisiana të ridetyrojë vendosjen e maskave në ambiente të brendshme, ndërkohë që shteti pritet të thyejë rekord për shtrimin në spital me Covid në 24 orë.
Shtrimet në spitale në Arkansas janë rritur gjithashtu dhe mund të thyejnë rekord së shpejti. “Jemi më keq se ç’do shtet matur nga rritja e Covid dhe kjo vjen prej variantit Delta dhe faktit që jo mjaftueshëm njerëz janë vaksinuar në Louisiana”- tha Guvernatori John bel Edwards. Mjekët atje po i bëjnë thirrje banorëve që të vaksinohen, duke paralajmëruar se spitalet janë në mbikapacitet. Autoritetet lokale kanë kërkuar përsëri vendosjen e maskave, në përpjekje për të nxitur amerikanët që të vaksiohen.
Florida nga ana tjetër, ka marrë një qasje të kundërt, me guvernatorin Ron DeSantis që ka lëshuar një urdhër ekzekutiv, që ndalon shkollat për të kërkuar vendosjen e maskave. Në Florida më shumë se 10,000 pacientë janë shtruar në spitale më datë 1 gusht, duke kaluar rekordin e mëparshëm të shtetit. Flordia ka një prej vatrave më të mëdha në vend dhe thuajse 25% të të gjithë pacientëve në spitale në vend, sipas Departamentit amerikan të Shëndetësisë dhe Shërbimeve Njerëzore.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.