Delta zyrtarisht në Shqipëri. Rezultatet laboratorike nga Gjermania konfirmojnë prezencën. Autoritetet apelojnë për vaksinim

Varianti Delta i Covid është present në Shqipëri; fakt i konfirmuar edhe nga analizat laboratorike. Ministria e Shëndetësisë bën me dije se rezultatet e analizave janë konfirmuar nga laboratori i “Charite” në Berlin.

“Konfirmimi i prezencës së variantit Delta në Shqipëri, nga laboratori i referencës Charite në Berlin, kërkon nga të gjithë respektim rigoroz të masave parandaluese, izolim të menjëhershëm në rast dyshimi dhe konfirmimi të virusit #Covid19 dhe mbi të gjitha: VAKSINIM • VAKSINIM • VAKSINIM, si arma më e fuqishme për të frenuar përhapjen e virusit dhe për të shpëtuar jetë!” njofton ministrja e Shëndetësisë.

Varianti Delta konsiderohet si variant dominues i virusit dhe ka përhapje më të shpejtë.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.