Demarkacioni, ministri Hoti thirrje deputetëve: Mendoni për studentët dhe bizneset para se të vendosni votën për të
Ministri i Financave, Avdullah Hoti, përmes një statusi në rrjetin social “Facebook” iu ka bërë thirrje të gjithë deputetëve të Kuvendit të Kosovës që të votojnë demarkacionin. Sipas tij, qytetarët e Kosovës, në veçanti studentët e bizneset, po i vuajnë pasojat nga mosmarrja e vizave.
“Studentët kosovarë humbin mundësinë për pjesëmarrje në konferenca apo për vizita akademike si shkak i procedurave për marrje të vizave. Bizneset kosovare humbin miliona në pamundësi të lëvizjes lirshëm në tregun e madh të BE-së për shkak të vizave”, ka thënë Hoti, raporton Koha.net.
“Të gjithë deputetët, pozitë dhe opozitë, le të marrin parasysh këto kur të vendosin për votën e tyre lidhur me demarkacionin”, ka përfunduar statusin e tij në FB Hoti.
Osman Dedja/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.