Demokratët bien dakord me Trump. Janë pro rritjes së pagesave individuale të Covid-19 në 2,000 USD
Demokratët në Dhomën e Përfaqësuesve në SHBA, synojnë të kalojnë shpejt ligjin që ofron 2,000 dollarë në pagesa direkte të pandemisë drejt amerikanëve, pasi presidenti Donald Trump këmbënguli papritmas për ndryshime. Miliona amerikanë pop resin dëshpërimisht për një llojë ndihme nga Ëashingtoni, ndërkohë që pandemia po del jashtë kontrollit. Të Hënë në mbrëmje, Kongresi miratoi paketën emergjencë prej 892 miliardë dollarë, që përmban një pagesë të njëhershme prej 600 dollarë tek individët, për t’i ndihmuar me vështirësitë ekonomike nga pandemia. Kjo shumë është shtesë ndaj 1.4 trilionë dollarë në financim, që duhet për të mbajtur qeverinë federale në operim përgjatë vitit fiskal, që mbaron më 30 Shtator 2021.
Trump sinjalizoi se do vendosë veton ndaj paketës gjigante, nëse nuk rritet shuma e pagesave direkte në 2,000 dollarë për person. Kjo solli dyshime mbi aftësinë e qeverisë federale për të operuar normalisht pas të Hënës së ardhshme, kur përfundon financimi. Në një sfidë ndaj republikanëve në Kongres, që u përpoqën të mbajnë koston e paketës së koronavirusit poshtë 1 trilionë, Demokratët me gëzim përkrahën kërkesën e Trump për pagesa më të mëdha tek amerikanët.
“Zoti Presidentt nënskruaj ligjin për të mbajtur qeverinë të hapur. Bëji thirrje Mçonell dhe Mçarthy që të bien dakord me demokratët për të miratuar kërkesën për pagesa direkte në 2,000 dollarë”- shkroi kryetarja e dhomës, Nancy Pelosi, në Twitter. Lideri i mazhorancës në Senat, Mithc Mçonnell dhe lideri i pakicës tek dhoma, Kevin Mçarthy, 2 republikanët kryesorë në Kongres, kanë qëndruar të heshtur ndaj kërkesave të Trump.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.