Dëmshpërblimet e ish të përndjekurve/ Ndryshojnë rregullat, shtyhet pagesa e kësteve që kalojnë shumën 1 mln lekë
Këshilli i Ministrave ka miratuar disa ndryshime në procedurat e dëmshpërblimit të ish të përnjekurve të periudhës së komunizmit. Ato përcaktojnë se do të shlyhen rregullisht të gjitha këstet, me kusht që këto të mos e kalojnë shumën e 1 milionë lekëve.
Në bazë të buxhetit vjetor të vënë në dispozicion, fondi i dëmshpërblimit të ish-të dënuarve politikë nga regjimi komunist do të ndahet në mënyrë proporcionale për të gjithë përfituesit, me kusht që kësti i dëmshpërblimit të mos jetë më i madh se 1 000 000 (një milion) lekë, përcakton një prej ndryshimeve.
Për të gjitha subjektet përfituese parësore, kur vlera totale e dëmshpërblimit është mbi 8 000 000 (tetë milionë) lekë, do të vijohet me pagesën e këstit pasardhës deri në shpërndarjen e plotë të shumës së miratuar”. Në rast se vlera totale e miratuar për të gjithë përfituesit është deri në 1 000 000 (një milion) lekë, shpërndarja e dëmshpërblimit do të kryhet me një këst të vetëm, pavarësisht fazës në të cilën ndodhet shpërndarja e dëmshpërblimit.
Me kryerjen e pagesës së dëmshpërblimit, për të gjithë përfituesit, brenda këstit më të ulët, fillon pagesa e këstit pasardhës. Ky mekanizëm do të përsëritet deri në shpërndarjen e plotë të shumës së dëmshpërblimit, përcakton udhëzimi i Qeverisë.
Gjatë vitit të shkuar, Këshilli i Ministrave ka ulur rimin e ndarjes së dëmshpërblimeve për kategorinë e ish të përndjekurve. Sipas të dhënave zyrtare, nga afërisht 20 milionë dollarë të parashikuara në buxhet për këtë zë, u disporsua rreth gjyasma, afërisht 10 milionë dollarë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.