Dëmshpërblimi për ish-të dënuarit politikë – Beja: Gati kësti i 3-të për trashëgimtarët, në shqyrtim 1500 dosje
Mbi 98 për qind e procesit të disbursimit të pagesave për dëmshpërblimin e ish të dënuarve politikë që kanë vuajtur dënimin është mbyllur.
Në një intervistë për SCAN TV, Drejtoresha e Përgjithshme e Thesarit, pranë Ministrisë së Financave, Alma Beja shprehet se po përfundon ndarja e kësteve për përfituesit parësore, ndërsa po shqyrtohen 1500 dosje të trashëgimtarëve.
Beja i bën apel trashëgimtarëve përfitues që të mos qendrojnë indiferentë ndaj dorëzimit të dokumentacionit përkatës.
Fondi i vënë në dispozicion për këtë vit për kategoritë përfituese është 1 miliardë lekë dhe pritet që të disbursohet deri në fund të vitit.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.