Dëmtimi i linjës nga punimet lë pa drita Kombinatin, Yrshekun dhe zona të tjera

Operatori i Shpërndarjes së Energjisë Elektrike ka njoftuar të premten se është dëmtuar linja 35 kv Sharrë 220kv – TEC Kombinat. Kompania dyshon se dëmtimi ka ardhur për shkak të punimeve të firmës “Geci”, e kontraktuar nga bashkia e Tiranës, e cila ka qenë duke gërrmuar me ekskavator në këtë zonë.

Si pasojë e dëmtimit, kanë mbetur pa energji elektrike nënstacionet e TEC Kombinatit dhe Ndroqit, si edhe disa abontentë privatë. Ndërkohë nga mungesa e energjisë elektrike preke edhe zonat e mëposhtme:

Ndroqi, Pinet, Barzez, Zhurije, Pezë e Madhe dhe e Vogël, Stacioni i Pompave, Pezë Helmas, Zona Kashar (pjesërisht), Yrshek, Fushë Mezëz, Ish-Rruga Ura, zona pranë Bregut të lumit, Laknas, zona e Misto Mames, Sharrë, zona pranë KMY (pjesërisht), 3 Heronjtë, Yzberisht, Vaqarr, Qendër Kombinat, Qyteti Kombinat, Kasalle, Vishaj, Damjan, Prush, Parafabrikatet, Qyteti Kombinat në “Rruga e  Qelqit”.

Dëmtimi i linjave të shpërndarjes së energjisë elektrike nga shoqëritë private apo publike është një fenomen që vazhdon. Një vit më parë, 11 firma private shkaktuan të paktën 40 defekte në Tiranë, ndërsa i dëmtimeve është i lartë edhe këtë vit.

A.H./SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.