Denaj: Mbështesim pushtetin vendor, rritje e shpenzimeve buxhetore 5.3% më shumë se në vitin 2020
Nën kujdesin e veçantë të Ministres së Financave dhe Ekonomisë Anila Denaj u zhvillua takimi konsultues me qeverinë vendore për buxhetin e vitit 2021.
Gjatë fjalës së saj, Ministrja Denaj tha se pavarësisht rënies ekonomike të këtij viti dhe ritmit të ulët parashikuar për vitin tjetër, financimi nga buxheti i shtetit për pushtetin vendor, jo vetëm që nuk ka pësuar ulje, por përkundrazi është rritur.
“ Në të njëjtën linjë, dëshiroj të risjell në vëmendjen tuaj qëndrimin tonë sa i takon pagimit të detyrimeve të prapambetura dhe shmangies së krijimit të detyrimeve të reja, apo qasjes së kujdesshme drejt politikave vendore fiskale. Këto të fundit duhet të jenë mbi të gjitha në mbështetje të sipërmarrjes shqiptare dhe investitorëve të huaj. Duhet të angazhohemi bashkërisht për një përmirësim të menaxhimit financiar të njësive vendore”, tha Ministrja Denaj.
Denaj është shprehur se janë rritur mbi tre herë investimet dhe shërbimet publike dhe se pesha e buxhetit vendor është rritur në 3.3% të PBB-së në vitin 2021, nga 2.1% e PBB-së që ishte në vitin 2013.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.