Denaj pret drejtorin rajonal të Organizatës Botërore të Punës. Mbështetje për legjislacionin mbi lëvizjen e lirë të punëtorëve

Ministrja e Financave Anila Denaj priti në një takim Drejtorin Rajonal të Organizatës Botërore të Punës për vendet e Europës Qendrore dhe Lindore,  Markus Pilgrim, për të diskutuar lidhur me tregun e punës në Shqipëri, mundësitë dhe sfidat për këtë sektor të rëndësishëm.

“Angazhimi ynë në luftën kundër informalitetit, forcimi i rolit të sindikatave për të monitoruar dhe rritur zbatueshmërinë e standardeve të punës, investimi në Arsimin dhe Formimin Profesional dhe përfshirja e gjeneratës së re në shkolla profesionale janë investimi më eficent dhe me impakt të sigurt dhe të drejtpërdrejtë në zhvillimin e biznesit dhe rritjen ekonomike të vendit” njofton ministrja në një postim.

Referuar njoftimit,  Pilgrim shprehu angazhimin dhe suportin e ILO-s, përmes programeve dhe projekteve, në drejtim të forcimit të kapaciteteve, veçanërisht lidhur me përafrimin e legjislacionit shqiptar me atë të BE-së mbi Lëvizjen e lirë të punëtorëve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.