“Deputetët po bëjnë lekë me tokat” – Mediu “ngre” zërin: Pr/ligjet për pronësinë, korruptive
Dy projektligje për tokën bujqësore kanë nxitur debat në Komisionin Parlamentar për Çështjet Ligjore. Komisioni ka propozuar shtyrje të afatit deri në 31 Dhjetor 2019 për aplikimin e subjekteve që e kanë tokën në përdorim dhe duan të fitojnë pronësinë si dhe për ata që kanë pasur tokë në ish ndërmarrjet shtetërore, dhe nuk e kanë marrë aty ku iu takon, por në një fshat tjetër.
Këto dy nisma janë cilësuar si antikushtetuese nga deputeti opozitar Fatmir Mediu, sipas të cilit deputetë e drejtorë kanë përfituar toka dhe i kanë kthyer në biznese. Ndërsa mazhoranca ka mbajtur qendrim të kundërt.
Komisioni për çështjet ligjore ka dhënë mendime për nismat që mbajnë emrin e Erion Braçes, dhe projektligjet do të kalojnë edhe në komisione të tjera përpara miratimit në seancë.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.