Derregullimi i tregjeve – Ekspertët: Të përcaktohet një set indikatorësh matës

Ekspertët e ekonomisë kërkojnë që derregullimi i tregjeve të shikohet si forcë zhvillimi në mënyrë që përfitimet të jenë maksimale.

Të ftuar në Forumin e Tiranës për Lirinë Ekonomike, me temë (De)Rregullimi i Tregjeve, ekspertët e fushës kanë bërë një analizë të detajuar se çfarë sjell realizimi i këtij procesi dhe cilat janë rreziqet kryesore.

Presidenti i UET-së, Adrian Civici ka vënë theksin në përcaktimin e treguesve konkret të matshëm për efektet që sjell në ekonomi. Ndërsa kreu i Institutit Europian Pashko, Selami Xhepa,  thekson se ekonomia shqiptare ka një problem të madh midis mbirregullimit dhe derregullimit.

E parë në një këndvështrim tjetër, për Dhomën Amerikane të Tregtisë, bizneset shqiptare  duhet të jenë më pjesëmarrës në ekonomi,  përmes investimeve në bursë.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.