Dëshironi të keni një telefon të karikuar gjatë të gjithë kohës? – Ndiqni këto hapa
Si përdorues të telefonisë celulare të gjithë ne duam që bateria të jetë e mjaftueshme për të kaluar të gjithë ditën, për më tepër në këto ditë vere ku telefoni bëhet gjithnjë e më i përdorshëm.
Sa më e vjetër të jetë pajisja juaj aq më pak bateri mban. Në fakt sasia e baterisë që pajisja ka çdo ditë varet nga dy faktorë kryesorë. Si e përdorni atë në ditë të caktuara, dhe si e keni përdorur pajisjen tuaj në të kaluarën.
Telefonat celularë përdorin bateri litium jon për ruajtjen e energjisë. Në këto lloj baterish metalet e litiumit dhe jonet e litiumit lëvizin brenda dhe jashtë elektrodave individuale, duke i shkaktuar fizikisht zgjerim dhe kontraktim.
Për fat të keq këto procese nuk janë krejtësisht të kthyeshme dhe bateritë e humbasin kapacitetin e tyre.
Por nëpërmjet disa hapave të thjeshtë përdoruesit mund të minimizojnë këtë degradim dhe të zgjasin jetën e pajisjes së tyre.
- Zgjatni kohëzgjatjen e karikimit
Shumë nga pajisjet e sotme celulare arrijnë të karikohen shumë shpejt, madje brenda disa minutave përdoruesit arrijnë ta karikojnw telefonin e tyre.
Por kjo është e përshtatshme vetëm në rast se jeni me nxitim dhe ju duhet telefoni juaj patjetër por në raste të tjera kjo metodë duhet shmangur patjetër.
Ngarkimi i një baterie në mënyrë të shpejtë redukton kapacitetin e saj të ruajtjes.
- Mbani temperaturën që duhet
Temperatura e duhur ne të cilën bateritë litium-jon duhet të ruhen për të ruajtur kapacitetin e plotë të karikimit afatgjatë është midis 0 – 45 gradë celsius.
Më poshtë se 0 gradë celsius, sasia e energjisë që gjendet brenda sistemit të baterisë reduktohet për shkak të një kufizimi në lëvizjen e metalit të litiumit dhe joneve te litiumit brenda elektrodave dhe përmes elektrolitit.
Mbi 45 gradë Celsius, sasia e fuqisë në dispozicion aktualisht rritet, krahasuar me temperaturat më të ulëta.
Kështu ju mund të merrni pak më shumë “lëng” nga bateria juaj nën kushte më të nxehta. Megjithatë degradimi i baterisë gjithashtu është përshpejtuar shumë, kështu që gjatë një periudhe të zgjatur aftësia e saj për të ruajtur karikimin do të reduktohet.
Si rezultat telefonat do të duhet të mbahen larg kontaktit me rrezet e diellit për një periudhë të zgjatur, veçanërisht në verë kur temperaturat e shpërfaqjes mund të shkojnë mbi 70 gradë celsius.
- Përdorni disa nga këto mënyra për ruajtjen e baterisë
Aaron Carroll dhe Gernot Heiser nga Data61 analizuan konsumin e energjisë të komponentëve të ndryshëm të smartfonëve nën një sërë skenarësh tipikë.
Ata arritën në përfundimin se ka një sërë strategjish të thjeshta softueri dhe hardueri të cilat mund të përdoren për të ruajtur jetëgjatësinë e baterisë.
- Reduktoni ndriçimin e ekranit
Mënyra më e thjeshtë për të kursyer baterinë tuaj është duke zvogëluar shkëlqimin e ekranit. Për pajisjet të cilat kanë një ekran OLED mund të përdorni opsionin “light on dark”.
- Fikni 3G dhe limitoni telefonatat tuaja
Lidhja me rrjetin celular përdor sistemin global të komunikimit (GSM). GSM është komponenti më dominues i konsumit të baterisë në telefonat celularë, prandaj është mjaft e dobishme nëse limitoni kohën e përdorimit.
- Përdorni wi-fi dhe jo 4G
Wi-fi harxhon 40 për qind më pak bateri krahasuar me 4G për shfletimin në internet. Kështu që nëse doni të ruani baterinë tuaj përdorni wirelessin sa herë t’ju jepet mundësia në vend të 4G.
- Ndizni ‘Smart battery mode”
Të gjitha pajisjet telefonike të kohëve të fundit ose smartphone kanë funksionin e ruajtjes së baterisë. Këto karakteristika të softuerit modifikojnë përdorimin e njësisë së përpunimit qendror CPU për aplikacione të ndryshme. Kështu, nëse keni një smartphone dh jeni me pushime përdorni opsionin “smart battery mode” dhe do të harroni të karikoni telefonin tuaj.
- Përdorni “Airplane mode”
Kjo mënyrë zakonisht çaktivizon funksionet GSM, Wi-fi, Bluetooth dhe GPS në pajisjet tuaja. Kur i fikni të gjitha këto funksione pajisja do të përdorë deri në 5 për qind të konsumit të zakonshëm të baterisë. Nëse nuk i fikni këto funksione atëherë ju do të konsumoni më shumë se 15 për qind të baterisë.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.