Dëshironi të studioni falas në Oxford ose Harvard? “Fluks” regjistrimesh në kursin e parë. Veprimet që të ndiqni në fazën e dytë
Universiteti i Oksfordit, i cili sa i takon pozicionimit për arsimin e lartë u rendit në vendin e parë si një ndër Universitetet më të mira në botë për vitin 2017-2018, ofroi kursin e parë të hapur në internet (Mooc) në shkurt të vitit 2017, në partneritet me edX një platformë online e të mësuarit, themeluar nga Universiteti i Harvardit dhe Instituti i Teknologjisë i Massachusetts (MIT).
Kursi, i titulluar “Nga varfëria në prosperitet: Të kuptuarit e zhvillimit ekonomik”, tërhoqi mbi 47,000 studentë të regjistruar në pothuajse nga çdo vend i botës.
Pas suksesit të kursit të parë, Oxford hapi një kurs të dytë më 10 tetor 2017, duke përfshirë kritere të reja në regjistrim.
Moocs mori popullaritet në vitin 2011, ndërkohë miliona studentë anembanë botës janë regjistruar në kurset falas dhe në periudha afatshkurtra, të cilat janë në dispozicion për këdo dhe kudo ku ka qasje në internet.
Platformat Mooc të tilla si Coursera, edX dhe Udacity në SHBA, FutureLearn në Britani të Madhe kanë qenë partnerë me qindra universitete për të ofruar kurse të tilla.
Coursera dhe edX dominojnë tregun e ofruesve të Mooc, me përkatësisht 35.6% dhe 18.1%. Në vitin 2015, Coursera kishte gjithsej 17 milionë studentë.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.