Dëshmia e një mjeku 105 vjeçar: Puna ndihmon në jetëgjatësinë e njerëzve
Për të pasur një jetë të gjatë, punoni përgjithmonë. Të paktën kjo është ajo që një nga mjekët kryesorë të Japonisë besonte, dhe rasti i tij është vetë dëshmia e tij.
Përpara vdekjes së tij, më 18 korrik, 105 vjeçari Dr Shigeaki Hinohara deri disa muaj përpara vdekjes së tij ishte aktiv në bashkësinë mjekësore e madje trajtonte pacientët duke marrë emërime të reja e duke punuar plot 18 orë në ditë.
Dr Shigeaki Hinohara ishte kryetar i Universitetit Ndërkombëtar të Shën Lukës si dhe president nderi i spitalit po me të njëjtin emër.
Ai jo vetëm një kontribues i madh për themelet e mjekësisë japoneze por gjithashtu arriti ta poziciononte Japoninë si udhëheqëse botërore për sa i përket jetëgjatësisë.
Një nga besimet e tij deri në momentin e fundit te jetës së tij ishte: “ Mos dilni në pension, dhe nëse duhet të tërhiqeni, tërhiquni shumë më vonë se sa mosha 65 vjeçare” tha ai për Japan Times.
Ndoshta duhet të dëgjojmë fjalët e mençura të Hinoharës, i cili besonte see për shkak se mesatarja e jetëgjatësisë së popullsisë japoneze arriti në 84 vjeç që nga viti 2015, atëherë mosha e daljes në pension duhet të shtyhet, pasi puna është ajo që ndihmon në mbajtjen e njerëzve gjallë. Të paktën ky ishte rasti për Hinoharën, karriera e të cilit, në njëfarë mënyre, e mbajti atë duke jetuar.
Janit Kawaguchi, një gazetar i “Japan Times”, i cili e konsideroi Hinohara një mentor, tha: “Ai besonte se jeta ka të bëjë me kontributin, kështu që ai e pati këtë përpjekje të jashtëzakonshme për të ndihmuar njerëzit, të zgjohej herët në mëngjes dhe të bënte diçka të mrekullueshme për njerëzit e tjerë.
Kjo është ajo që po e shtynte atë dhe çfarë e mbajti duke jetuar. “Në krye të punës për aq kohë sa ishte e mundur, Hinohara gjithashtu predikoi udhëzime të tjera për një jetë të gjatë, duke përfshirë edhe argëtimin, gjithmonë duke marrë shkallët, duke i kërkuar këshilla mjekut tuaj dhe pa dyshim, duke mos qenë mbipeshë.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.