Dështojnë provat e Sanofi dhe GSK / Reagim i pamjaftueshëm imunitar: Vaksina vonohet në fund të vitit 2021
Sanofi dhe GlaxoSmithKline në Britani, deklaruan se do të testojnë më tej vaksinën e tyre të Covid-19, pasi provat klinike treguan një kundërpërgjigje të pamjaftueshme imunitare tek të moshuarit, duke vonuar nxjerrjen në treg nga fundi i vitit të ardhshëm.
Dy kompanitë thanë se planifikojnë të nisin një tjetër studim në Shkurt, me shpresën për të zhvilluar një vaksinë efektive në fund të 2021. Lajmi vjen si një zhgënjim për një prej disa vaksinave nën zhvillim, që varen në teknologji më tradicionale, ndërkohë që injeksioni i zhvilluar nga Pfizer dhe BioNTech përdor teknologji të re dhe ka nisur shpërndarjen në Britani.
Kjo përbën gjithashtu një humbje për disa qeveri, përfshirë Bashkimin Evropian, Shtetet e Bashkuara, Kanada dhe Britani, që kanë porositur qindra miliona doza të vaksinës së GlaxoSmithKline, ndërkohë që po hasin vështirësi në zbutjen e virusit, që ka lënë mbi 1.5 milionë njerëz të vdekur në të gjithë botën.
Vonesat nuk janë të pazakonta po kjo vë në dukje sfidat në zhvillimin e vaksinës në shpejtësi rekord. Kjo tregon gjithashtu se pse qeveritë kanë porositur disa injeksione nga kompani të ndryshme, në mënyrë që të mos varen vetëm tek një.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.