Detajet e seancës së jashtëzakonshme të së shtunës – Nga komisionet e “vetingut”, seancat paradite e pasdite, te betimi i Avokatit të Popullit!

Kuvendi mblidhet nesër në një seancë të jashtëzakonshme për të votuar për përzgjedhjen e komisioneve që do të bëjnë procesin e rivlerësimit të trupës së sistemit të drejtësisë.

Pjesa e parë e seancës parashikohet të mblidhet në orën 10:00 dhe në rend ka 3 pika; votimin për komisionin ad hoc me 12 anëtarë të përzgjedhjes së kandidatëve për institucionet e rivlerësimit, votimin për Komisionin ad hoc me 6 anëtarë të përzgjedhjes së kandidatëve për institucionet e rivlerësimit si dhe betimin e Avokatit të Popullit.

Ndërkohë në orën 14:00 Kuvendi parashikohet të rimblidhet për të votuar për listën e kandidatëve të përzgjedhur për në institucionet e rivlerësimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.