Detajet/ Kurti paralajmëron: “Shqipëria e Kosova nisin një bashkëpunim të fuqishëm që s’e kanë pasur asnjëherë”. Replika për minishengenin

“Shqipëria dhe Kosova do të nisin një bashkëpunim të fuqishëm që nuk e kanë pasur asnjëherë”. Ka qenë kjo deklarata e kryeministrit të Kosovës Albin Kurti pas takimit që shkoi përtej orarit zyrtar, me kryeministrin e Shqipërisë Edi Rama.

Dy kryeministrat thanë se kanë rënë dakord që tëngrihet një komitet ndërshtetëror me ministra dhe deputetë që do të ketë në fokus analizimin e ecurisë së 77 marëveshjeve të nënshkruara mes dy vendeve. Komiteti do të ketë për detyrë gjithashtu që shtojë edhe marrëveshje të tjera në mënyrë që të mundësohet një ritëm I ri në bashkëpunimin mes dy vendeve.

Ndërsa u analizua ecuria e deritanishme e projektit për bashkimin ekonomik të dy vendeve, të dy kryeministrat ranë dakord se rezultatet nuk kanë qenë ato të pritshme.

Për këtë qëllim, në fund të muajit të ardhshëm do të zhvillohet mbledhja e përbashkët e qeverive në Shkodër.

Pika ky dy kryeministrat nuk ranë dakord, gjë e cial u shfaq edhe në konferencën e përbashkët për mediat ishte çështja e minishengenit ballkanik.

Sipas kryeministrit të Kosovës, në fokus të këtij takimi ishte ajo që Kurti e emërtoi si “makroshengeni shqiptar” dhe më pas do ët diskutohet për pjesëmarrjen ose jo të Kosovës në nismën për minishengenin ballkanik. Në kundërpërgjigje, kryeministri shqiptar tha  se “makroshengeni shqiptar është i lidhur ngushtësisht me shengenin rajonal”.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.