Detajet/Shqipëria hap dyert për të pritur refugjatë nga Ukraina! Krijohet Task-Forcë e Posaçme për strehimin e tyre

Shqipëria ka miratuar vemdimin që parashikon dhënien    e    mbrojtjes    së    përkohshme shtetasve   me   shtetësi   ukrainase,   personave   pa  shtetësi  dhe  personave  që  kanë  fituar  statusin  e mbrojtjes     ndërkombëtare     në     Ukrainë,     me vendqëndrim të përkohshëm ose të përhershëm në Ukrainë,   që   hyjnë   masivisht   në   territorin   e Republikës së Shqipërisë për arsye të luftës, cenimit  të jetës së civilëve të pambrojtur, përshkallëzimit të  veprimeve  të  armatosura  ndaj  popullsisë  civile,  që kërkojnë mbrojtje nga Republika e Shqipërisë.

Vendimi përcakton se mbrojtja  e  përkohshme  jepet  edhe  për  ata shtetas   ukrainas   apo   persona   pa   shtetësi   dhe  persona   që   kanë   fituar   statusin   e   mbrojtjes ndërkombëtare  në  Ukrainë,  me  vendqëndrim  të  përkohshëm ose të përhershëm në Ukrainë, të cilët kanë   hyrë   dhe   po   qëndrojnë   në   territorin   e  Republikës së Shqipërisë për shkaqet e përcaktuara mësipër.

Mbrojtja e përkohshme për këta shtetas fillon nga  momenti  i  hyrjes  në  Republikën  e  Shqipërisë për një afat 1-vjeçar.

Po ashtu, qeveria ka miratuar vendimin për krijimin  e  Task-Forcës,  si  një  strukturë  e posaçme   e   përkohshme   me   afat   1-vjeçar,   për menaxhimin  e  fluksit  të  kërkesave  për  mbrojtje ndërkombëtare nga shtetasit nga Ukraina, raporton SCAN.

KY ekip do të kryesohet nga ministi i Brendshëm dhe do të ketë në përbërje ministrin e Jashtëm. ministrin e Mbrojtjes, Ministrin e Financave dhe Ekonomisë, Ministrin e Arsimit dhe Sportit, Ministrin e Shëndetësisë dhe Mbrojtjes Sociale,Ministrin e Turizmit dhe Mjedisit si dhe Ministrin e Drejtësisë.

Task-Forca do të koordinojë situatën e pritjes dhe akomodimit të shtetasve nga Ukraina dhe do të ndjekë çështjet që nga strehimi, ushqimi e deri arsimimi i përkohshëm I tyre.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.