Detyrime të prapambetura – Korrik-Shtator, borxhet e institucioneve arrijnë në 568.7 milionë lekë
Sipërmarrjet private vazhdojnë të mos paguhen për punët e bëra apo shërbime të kryera nga administrata shtetërore. Pothuajse të gjitha dikasteret qendrore kanë krijuar detyrimeve të prapambetura.
Edhe pse në ligjin e buxhetit, por edhe në strategjinë për shlyerjen e detyrimeve të prapambetura theksohet moskrijimi i borxheve të reja, duket së kjo nuk po funksionon. Fondet buxhetore duhet të disbursoheshin sipas projekteve të parashikuara më parë.
Ndërkohë në raportin e fundit të FMN i “tërhiqet vërejtje” qeverisë për moskrijimin e detyrimeve të reja. Referuar të dhënave më të fundit të Ministrisë së Financave, rezulton se vetëm për periudhën Korrik- Shtator 2017, vlera e detyrimeve të prapambetura të krijuara nga institucione të ndryshme arrin në 568.7 milionë lekë.
Po sipas këtyre të dhënave institucionet që kanë krijuar më tepër detyrime të prapambetura janë këtë periudhë janë:
-Ministria e Infrastrukturës dhe Energjisë 16.9 milionë lekë
-Ministria e Arsimit, Sportit dhe Rinisë 28,6 milion lekë
-Ministria e Drejtësisë 74.6 milionë lekë
-Ministria e Shëndetësisë dhe Mbrojtjes Sociale 22.7 milionë lekë
-Ministria e Punëve të Brendshme 229.8 milionë lekë
-Ministria e Financave dhe Ekonomisë 31,3 milionë lekë
– Ministria e Bujqësisë dhe Zhvillimit Rural 11.4 milionë lekë
-Ministria e Turizmit dhe Mjedisit 45 milionë lekë
-Drejtoria e Përgjithshme e Tatimeve 100.2 milion leke
Ministria për Evropën dhe Punët e Jashtme dhe Ministria e Kulturës raportojnë që nuk ka krijuar detyrime për këtë periudhë.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.