Detyrimet e papaguara – DPT: Në prill, tatimpaguesit mund të njihen me to në kohë reale
Të gjithë tatimpaguesit do të mund të njihen në kohë reale me çdo detyrim të papaguar që mund të kenë duke nisur nga muaji prill.
Sipas Drejtorisë së Përgjithshme të Tatimeve, ata mund të përfitojnë nga ky shërbim duke telefonuar numrin pa pagesë të Qendrës së Thirrjeve (0800 00 02) nga e Hëna në të Enjte ora 08:30 – 18:00.
Më tej, tatimpaguesit e interesuar duhet që të disponojnë këto informacione për t’u njohur në kohë reale me detyrimet e tyre të papaguara:
Numrin Unik të Identifikimit (NUIS)
Numrin personal të sigurimit shoqëror (SSHN)
Statusin e regjistrimit të tatimpaguesit (aktiv, pasiv, i çregjistruar etj )
Përmes këtij shërbimi dhe jo vetëm, DPT ka për qëllim lehtësimin e procedurave tatimore për çdo tatimpagues si dhe ofrimin e tyre në çdo kohë dhe pa kosto.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.