Deutsche Bank shënon një humbje prej 3.51 miliardë eurosh prej kostove të ristrukturimit

Deutsche Bank tha të mërkurën se huadhënësi gjerman kishte një humbje më të madhe se parashikimi prej 3.15 miliardë euro në tremujorin e dytë, për shkak të kostove të mëdha të ristrukturimit. Në fillim të muajit, banka kishte paralajmëruar se do të humbiste rreth 2.8 miliard euro në tremujorin kur njoftoi se plani i ristrukturimit të huadhënësit do të shkurtonte 18,000 vende pune dhe do të kushtojë 7.4 miliardë euro.

Deutsche Bank konsiderohet si një nga bankat më të rëndësishme për sistemin financiar botëror, së bashku me JPMorgan Chase, Bankën e Amerikës dhe Citigroup. Banka tashmë kishte ndërmarrë hapa të rëndësishëm për të zbatuar strategjinë e saj, tha të mërkurën shefi ekzekutiv Christian Sewing. “Një pjesë e konsiderueshme e kostove të ristrukturimit tashmë është tretur në tremujorin e dytë,” shtoi ai.

Banka tani pret që të ardhurat nga 2019 të jenë më të ulëta se në vitin 2018. Parashikimi shënon një ulje të mëtejshme në pritjet e tremujorëve të mëparshëm. Dështimet e Deutsche arritën kulmin me një gjobë prej 7.2 miliardë dollarësh amerikanë në vitin 2017 për rolin e saj në krizën e tregut të hipotekave, në një goditje të madhe që i frikësoi klientët dhe nxiti shqetësime rregullatore.

Në prill, banka ndërpreu gati gjashtë javë bisedime për t’u bashkuar me rivalin e saj Commerzbank. Më pas filloi planin për “shkurtime të vështira” në bankën e tij të investimeve, duke përfaqësuar një tërheqje të madhe nga investimet bankare për Deutsche Bank, e cila për vite u përpoq të konkurronte si një forcë e madhe në Wall Street.

Banka do të krijojë një të ashtuquajtur “bankë të keqe” për të shkatërruar asetet e padëshiruara, me një vlerë prej 74 miliardë euro të aseteve të ponderuara me rrezik. Gjithashtu Deutsche njoftoi të mërkurën se më shumë se 900 punonjës ishin njoftuar se do të largohen nga vendet e tyre të punës si rezultat i ristrukturimit. (Reuters)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.