Deutsche Bank thellon kalimin e “vijës së kuqe”! 859 milion humbje në tremujorin e tretë
Deutsche Bank bëri publike të Mërkurën një humbje prej 832 milion eurosh në tremujorin e tretë për shkak të kostove të mëdha për një ristrukturim të madh dhe pasi të ardhurat nga ndarja e saj kryesore e tregtimit të bonove ranë ndjeshëm.
Huadhënësi më i madh i Gjermanisë dha shenja se do të humbiste para këtë vit kur njoftoi në korrik se do të ndërmerrte një sërë masash drastike duke shkurtuar 18,000 vende pune me një kosto prej 7.4 miliardë euro.
Kjo është humbja e dytë radhazi tremujore ndërkohë që banka përballet me kosto të ndryshme për riformatimin e biznesit të saj, konkretisht me një humbje prej 3,15 miliardë eurosh në tremujorin e dytë dhe një fitim neto 229 milion euro një vit më parë.
Analistët, të pasigurt për madhësinë e kostove të ristrukturimit që banka po planifikonte të postonte në tremujor, nuk arritën të jepnin gjykime e vlerësimet e duhura në kohë. Aksionet e bankës u kanë shënuar një rënie të ndjeshme prej 3%.
Të ardhurat e bankës ndërkaq kanë rënë me 15% në 5.3 miliardë euro, pra shumë më pak se parashikimi prej 5.6 miliardë eurosh sipas Refinitiv. Banka ia atribuoi rënien vendimit të saj për të dalë nga biznesi i aksioneve. (Reuters)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.