Deutsche Welle/ Merkel do të takohet me Ramën në Berlin. Në fokus është rimëkëmbja e zonave të dëmtuara nga tërmeti i nëntorit 201
Kancelarja gjermane Angela Merkel do të takohet të hënën (27 janar ) paradite në Berlin me kryeministrin e Shqipërisë, Edi Rama, bëri të ditur të premten në Berlin zëvendëszëdhënësja e qeverisë gjermane, Ulrike Demmer.
“Deutsche Welle” raporton se në fokus të bisedës do të jetë ndihma që mund të japë Gjermania për rimëkëmbjen e dëmeve të tërmetit të 26 nëntorit 2019.
“Temë tjetër e bisedimit, sipas Demmer, do të jetë kryesia e radhës së Shqipërisë në OSBE, marrëdhëniet bilaterale, situata në rajon dhe perspektiva evropiane e BE-së. Angela Merkel dhe Gjermania janë të angazhuar për çeljen sa më të shpejtë të negociatave me Shqipërinë dhe Maqedoninë e Veriut.
Pas një bisede që pati javën e kaluar me kryeministrin kroat Plenkoviç, Merkel e refuzoi trajtimin veç e veç të dy vendeve të Ballkanit Perëndimor. “Nëse duam të jemi të drejtë, atëherë ne duhet t’i trajtojmë të dy vendet së bashku, pavarësisht se ato pastaj do të ndjekin procedura të ndryshme, në bazë të vlerësimeve që do t’u bëhen“, tha ajo” shkruhet në artikull.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.