Dhimitër Kote në ‘Argument” për sigurinë ushqimore:”AKU do të ketë një trupë parandaluese dhe orientuese, do jetë më shumë një trupë policore.’’
Një nga problematikat më të fundit, në shoqërinë shqiptare, është ajo e sigurisë ushqimore. I ftuar në ‘Argument’ për të diskutuar rreth këtij fenomeni ishte dhe Zv. Ministër i Bujqësisë dhe Zhvillimit Rural, Dhimitër Kote. Sipas tij, ky problem nuk zgjidhet vetëm me një ndryshim ligji, por duhet parë si një punë që kërkon impenjim në vazhdimësi.
‘’ Eshtë holluar filtri ku kalon kontrolli i ushqimeve Nuk mundet që gjithë puna e bërë nga 350 mijë fermerë, për të prodhuar dhe transportuar mallra në Europë, të hidhet poshtë nga 5 fermerë që nuk zbatojnë rregullat. Kemi nevojë të ndryshojmë ligjin për ushqimin. Me ndryshimet e reja, trupa e AKU do të jetë një trupë parandaluese dhe orientuese, pra do jetë më shumë një trupë policore.’’
Zv. Ministri I Bujqësisë ka theksuar se fokusi kryesor është certifikimi i produkteve, i cili kryhet nga organet ndërkombëtare, pas një sërë analizash të caktuara që i bëhen produkteve që janë për prodhim.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.