Dhjetëra mijëra protestues kundër projekt-ligjit për ekstradimin në Hong Kong
Dhjetëra mijëra protestues në Hong Kong rrethuan të mërkurën legjislaturën e qytetit, duke e detyruar atë të shtyjë debatin e dytë mbi një projekt-ligj ekstradimi që do t’i dërgonte njerëzit në Kinën kontinentale për gjykim. Protestuesit, shumica e të cilëve ishin të veshur me të zeza, ngritën barrikada për t’u përgatitur për okupimin e zgjatur të rajonit, skena që kujtonin demonstratat pro-demokrate “Pushtimi” që tronditën qytetin në vitin 2014.
Ata u mblodhën rreth Lung Wo Road, një arterie kryesore lindje-perëndim pranë zyrave të Carrie Lam, drejtoreshës së përgjithshme të Hong Kongut në konflikt, ndërsa qindra policë, disa të armatosur me shkopinj dhe mburoja plastike paralajmëruan turmën që të mos përparonte. Lam u zotua se do të avanconte me ligjin pavarësisht shqetësimeve të thella nga qendra financiare aziatike, duke përfshirë udhëheqësit e biznesit, dhe faktit që kjo mund të minojë liritë dhe besimin e investitorëve dhe të dëmtojë avantazhin konkurrues të qytetit.
Kundërshtimi ndaj projektligjit të së dielës shkaktoi protestën më të madhe politike të Hong Kongut që nga lëvizja e sundimit britanik në sundimin kinez më 1997 si pjesë e një marrëveshjeje që garantonte autonomi të veçantë. Qeveria tha se debati mbi projekt-ligjin që do të mbahet të mërkurën përpara se Këshilli Legjislativ prej 70 anëtarësh të qytetit do të shtyhet në një datë të mëvonshme. Legjislatura është e kontrolluar nga një shumicë pro-Pekini.
Burimi: Reuters
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.