Dhunë dhe pasiguri në shkolla – Shoqëria civile: Duhet më shumë buxhet dhe konsultim për programe

Shkollat tona janë të ekspozuara ndaj dhunës dhe mungesës së sigurisë. Shoqëria civile, e cila është duke hartuar një raport mbi këtë problematikë,   gjatë një dëgjese në komisionin parlamentar të edukimit dhe mjeteve të informimit publik, ka kërkuar shtimin e buxhetit të ministrisë së Arsimit dhe konsultimin e tij, për krijimin e një plani kombëtar për parandalimin dhe trajtimin e rasteve të dhunës  në shkolla.

Mungesa e buxhetit dhe e konsultimeve për krijimin e programeve të tilla u pranua edhe nga nënkryetarja e komisionit, Milva Ekonomi.

350 raste të dhunës nëpër shkolla janë raportuar vetëm gjatë viteve të fundit nga vetë nxënësit dhe 503 raste të tjera të lidhura me fenomenin e bulizmit.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.