Dhuratat ‘qesharake’ të miliarderëve – Çfarë i ofroi Bill Gates për 90-vjetor mikut të tij Warren Buffet?!
Bill Gates ofroi një video homazh të ëmbël dhe qesharak për miliarderin dhe mikun e tij Warren Buffett të Dielën për nder të ditëlindjes së tij të 90-të.
Duke realizuar një video të inspiruar nga shefja e njohur e kuzhinës amerikane Martha Stewart, dhe me muzikë në sfond të “You Got a Friend” të Randy Newman, Gates bëri një tortë me pamje të shijshme Oreo, me fytyrën e plotë të Buffett në krye, të vizatuar në krem çokollate.
Në fund të videos 60 sekondëshe, Gates pret një fetë, e vendos atë në një pjatë me një pirun dhe lë mesazhin “Gëzuar 90 vjetorin e lindjes Warren” në pluhurin e Oreo.
Happy 90th birthday, Warren! pic.twitter.com/8nH2EulTR4
— Bill Gates (@BillGates) August 30, 2020
Buffett është një dashamirës i madh i ëmbëlsirave, i njohur për konsumin e tij të tepruar të një gjysmë duzine kanaçe Coka Cole çdo ditë (Buffett është një investitor i madh i Coca-Cola (KO)). Kompania e tij, Berkshire Hathaway (BRKA), gjithashtu zotëron See’s Candies.
Torta ishte një nderim i veçantë për miqësinë e Gates me Buffett. Në vitin 2016, Gates tregoi një histori në blogun e tij se si e kapi Buffett duke ngrënë ëmbëlsirën e tij të preferuar për mëngjes: Oreos.
“Një gjë që ishte befasuese, kur mësova për Warren se ai ka filluar dhe nuk ka rreshtur kurrë që në moshën 6 vjeç të hajë çfarë do lloj ushqimi që i pëlqen”, shkroi Gates. “Më kujtohet një nga kohët e para që ai qëndroi në shtëpinë tonë dhe ai hapi një pako Oreos për të ngrënë për mëngjes. Fëmijët tanë menjëherë kërkuan që dhe ata të kishin disa. Ai mund të japë një shembull të dobët për të rinjtë, por është një dietë që funksionon shumë mirë për të “.
Gates dhe Buffett u takuan në 5 korrik 1991, kur nëna e Gates ftoi drejtorin e atëhershëm të Microsoft-it në shtëpinë e familjes së Gates në Hood Canal, Washington, për të takuar Buffett, të cilin edhe ajo e ftoi.
Gates, në një postim në blog, tha që ai ishte skeptik në fillim, por Buffett e ‘bombardoi’ atë me pyetje të zgjuara në lidhje me të ardhmen e Microsoft që Gates tha që ai kurrë më parë nuk kishte hasur apo dëgjuar (si Microsoft (MSFT) mund të presë të konkurrojnë me IBM dhe cilat aftësi dhe çmime pritnin nga Microsoft për të shkëlqyer në treg). “Ishte një miqësi e thellë nga biseda jonë e parë,” shkroi Gates.(CNN)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.