Dhuratat teknologjike më të kërkuara në vitin 2017 – Në festat e fundvitit amerikanët preferojnë kufjet
Teksa teknologjia luan një rol gjithnjë e më të madh në jetën tonë, nuk është çudi që ajo gjithashtu shfaqet dukshëm nën pemën e Krishtlindjes.
Sipas Shoqatës së Konsumatorit të Teknologjisë(CTA), 68 për qind e të rriturve në SHBA planifikojnë të blejnë të paktën një dhuratë teknologjike për festat e këtij fundviti, duke shpenzuar një total mesatar prej 478 dollarë në aksesorë dhe pajisje teknologjike.
Sipas studimit të CTA, dhuratat e teknologjisë variojnë nga pajisje të shtrenjta si laptop-ë apo smartfonë, deri te gjëra më të vogla, si lojërat elektronike që lidhen me televizorët apo gjurmuesit e aktiviteteve.
Kufjet janë dhurata më e njohur e teknologjisë këtë vit, ku 38 për qind e amerikanëve në moshë madhore në SHBA po planifikojnë t’iu bëjnë dhuratë të dashurve të tyre.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.