Dimri ju ndihmon të dobësoheni – A humbni më shumë peshë nëse stërviteni në të ftohtë?
Stërvitja jashtë në të ftohtë mund të ju ndihmojë të humbni peshë, sepse trupi ynë djeg më shumë kalori për të mbajtur temperaturën konstante.
Nëse peshorja dhe xhinset e ngushta nuk reshtin që t’ju kujtojnë se gjatë pushimeve dhe bllokimit ju e keni tepruar me ushqimin, dijeni që i ftohti i këtyre ditëve është aleati juaj më i mirë për t’u rikthyer në formë. Një studim i kryer nga endokrinologët e Qendrës Mjekësore të Universitetit Maastricht ka zbuluar në fakt se nëse praktikojmë sporte në natyrë në temperatura të ulëta, ne konsumojmë më shumë kalori sesa kur bëjmë të njëjtën veprimtari gjatë verës ose në ambiente të nxehta.
Dridhje dobësuese. Sipas studiuesve, i ftohti do ta detyronte trupin tonë të digjte më shumë kalori për të mbajtur një temperaturë konstante. Lënda djegëse e këtij procesi të termorregullimit është indi dhjamor kafe, i cili aktivizohet në të ftohtë dhe fillon të konsumohet.
Në mënyrë të veçantë, studiuesit kërkuan nga një grup vullnetarësh të kalonin 10 ditë në një mjedis ku temperatura mbahej konstante rreth 15 °C. Ata më pas matën konsumin e kalorive të këtyre subjekteve dhe e krahasuan atë me atë të njerëzve që kishin bërë të njëjtat aktivitete në temperatura më të rehatshme. Përfundimi në të cilin ata arritën është se, me të njëjtin aktivitet fizik, i ftohti shkakton një konsum kalorish deri në pesë herë më të lartë se nxehtësia.
KUJDES nga ftohjet. Disa vjet më parë një studim japonez arriti në të njëjtat përfundime në të cilat disa vullnetarë u mbyllën për dy orë në ditë për gjashtë javë rresht në një mjedis në 17 ° C. Prandaj i ftohti do të ishte mik i linjës: për këtë arsye, sugjerojnë studiuesit, mësimi i trupit për të jetuar në temperatura jo shumë të larta ndihmon në mbajtjen e trupit në formë. Por paralajmëroni: ftohjet dhe bronkitet mund të jenë më keq se sa disa kile të tepërta. (Focus)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.