Diploma në shkenca sociale e filozofi së shpejti shumë më e vlefshme se shkencat kompjuterike e kontabiliteti – Kjo është arsyeja!
Sipas sipërmarrësit miliarder të teknologjisë, Mark Cuban, marrja e një diplome në shkencat kompjuterike mund të mos jetë investimi i sigurt që mendoni se është.
Sot studentët që studiojnë shkencat kompjuterike kanë shumë gjasa që të fitojnë një punë mjaft të mirë dhe fitimprurëse por investitori i “Shark Tank” pret që kjo gjë të ndryshojë.
“Unë do të bëj një parashikim, Në 10 vite një diplomim në filozofi dhe artet liberale do të jetë shumë më e vlefshme se sa një diplomë e programimit tradicional e cila sot është shumë e vlefshme dhe sjell mjaft të ardhura, tha Cuban në 2017-ën.
Kjo vjen si pasojë e mendimit se Cuban pret që teknologjia e inteligjencës artificiale të ndryshojë shumë tregun e punës dhe ai parashikon që teknologjia do të bëhet kaq e mençur sa do të mund të programojë vetë.
“Ajo që po ndodh tani me automatizimin është se ne do të fillojmë të automatizojmë automatizmin”
“Inteligjenca artificiale do të jetë në gjendje t’i bëjë vetë të gjitha gjatë 10 apo 15 viteve të ardhshme”, shprehet Cuban.
Për të, punët që sot janë ndër më fitimprurëse si kontabiliteti dhe programimi kompjuterik gjatë viteve të ardhshme do të jetë krejt e kundërta. Për të mbetur konkurrues ai sugjeron degë të tilla si filozofia që ju mëson të shikon e mendoni të gjithë kornizën e më gjerë.
Ai gjithashtu shton se përparimi teknologjik do të marrë përmasa të tjera dhe kjo e gjë e frikëson atë, sepse këto arritje teknologjike që kanë arritur deri në ditën e sotme nuk janë asgjë përpara atyre që do të pasojnë.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.