Diplomat e 4 mijë infermierëve – MASR: Do të gjejmë zgjidhje ligjore për pagat dhe kreditet

Për 4 mijë infermierët të cilët kanë përfunduar studimet në vitin akademik 2002-2006 po diskutohet nga ministritë përkatëse për të gjetur një zgjidhje përfundimtare. Me hyrjen në fuqi të ligjit për arsimin e lartë  duhet që të ktheheshin përsëri në auditore katër mijë infermierë për të përfunduar studimet master pasi diploma e marrë korrespondon me diplomën e bachelorit. Problemi qëndron se këta infermierë janë paguar  duke ju njohur diploma master.

Pas kërkesës që ka bërë  Urdhri i Infermierëve nga të dy ministrit për të gjetur një zgjidhje , ka reaguar Ministria e Arsimit. Në një deklaratë për mediat kjo ministri shpjegon se: Në bashkëpunim  me Universitetin e Mjekësisë po diskutojnë për ti dhënë zgjidhje kësaj çështje. Sipas Ministrisë së Arsimit infermierët  nuk duhet të kenë asnjë shqetësim për pagat e tyre dhe as për kohëzgjatjen dhe vitet e studimit, pasi janë  duke i dhënë një zgjidhje ligjore kësaj çështje.

Nëse nuk do të gjendet një zgjidhje  të 4 mijë infermierët që kanë rreth 12 vjet që ushtrojnë profesionin do të duhet që të kthejnë diferencën e pagës që kanë përfituar si rezultat i njohjes së diplomës së masterit.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.