Diplomohen 2 mijë ekonomistë të rinj – Ruçi: Jepni kontributin tuaj për zhvillimin e ekonomisë
Rreth 2 mijë ekonomistë të rinj janë të gatshëm për tregun e punës. Fakulteti i Ekonomisë në Universitetin e Tiranë ka pajisur me diploma 1300 studentë të cilët kanë përfunduar nivelin bachelor dhe 700 të tjerë master.
Gjatë ceremonisë së diplomimit ishin të pranishëm persona të njohur të politikës dhe biznesit të cilët përshëndetën studentët dhe dhanë mesazhe të rëndësishme. Kreu i Kuvendit Gramoz Ruçi u përqendrua në lidhjen më sinergjike midis politikave të zhvillimit ekonomik dhe fuqizimit të sistemit të mirëqenies shoqërore duke i kërkuar ekonomistëve të rinj të japin kontributin e tyre .
Një mesazh të sapodiplomuarit erdhi edhe nga guvernatori i Bankës së Shqipërisë, Gent Sejko dhe presidenti i “Biznes Albania” Luan Bregasi. Dekani i fakultetit, Dhori Kule kishte një sugjerim për diplomantët që të mendojnë pozitivisht. Në ceremoni nuk munguan edhe persona të tjerë të njohur në botën e biznesit të cilët mirëpresin këtë prurje të për tregun e punës.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.