Disiplinohet tregu i ndërmjetësve ligjorë – Të gjithë të licencuarit e këtij profesioni, në një regjistër zyrtar me të dhënat dhe historikun
Ministria e Drejtësisë do të krijojë regjistrin e Ndërmjetësve Ligjorë, ku do të pasqyrohen të gjithë subjektet e licencuara për të ushtruar veprimtarinë e ndërmjetësit, jo më vonë se 10 ditë nga licencimi i tyre.
Regjistri i Ndërmjetësve do të krijohet, administrohet dhe përditësohet në format të integruar manual dhe elektronik nga struktura përgjegjëse pranë Drejtorisë së Përgjithshme Rregullatore të Çështjeve të Drejtësisë në Ministrinë e Drejtësisë.
Për çdo ndërmjetës, në arkivin e Ministrisë së Drejtësisë mbahet dosja personale në format manual dhe elektronik, e cila krijohet dhe pasurohet me dokumentacionin e nevojshëm nga struktura përgjegjëse pranë Drejtorisë së Përgjithshme Rregullatore të Çështjeve të Drejtësisë në Ministrinë e Drejtësisë. Dosja personale e ndërmjetësit numërtohet në përputhje me numrin rendor që i korrespondon ndërmjetësit në Regjistrin e Ndërmjetësve të administruar nga struktura përgjegjëse në Ministrinë e Drejtësisë. g) specializimin në çështje ku përfshihen interesat e të miturve dhe/ose ato me natyrë tregtare; gj) masat disiplinore, nëse ka të tilla shënohet numri dhe data e vendimit, lloji i masës, data e ekzekutimit dhe data e parashkrimit; h) shkakun e çregjistrimit nga regjistri i ndërmjetësve.
Përveç Regjistrit të Ndërmjetësve, struktura përgjegjëse pranë Drejtorisë së Përgjithshme Rregullatore të Çështjeve të Drejtësisë ruan dhe administron listën e të gjithë ndërmjetësve, të cilët janë licencuar, por që nuk e ushtrojnë veprimtarinë e ndërmjetësimit, në përputhje, për aq sa është e mundur, me të dhënat e historikun professional të subjekteve.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.