Diskutimet në Kuvend, Ahmetaj: Vlera e pasurive të paluajtshme rritet me 1 mld USD

Kuvendi i Shqipërisë shqyrtoi në seancë plenare projektligjin “Për rivlerësimin e pasurive të paluajtshme”. Nisma e ekzekutivit mundëson shtyrjen e afatit të rivlerësimit të pasurive të paluajtshme deri më datë 31 maj të vitit 2017.

Sipas ministrit të Financave, Arben Ahmetaj, vendimi vjen për shkak të numrit të lartë të aplikimeve dhe se kjo nismë, formalizon pasuritë e paluajtshme me vlerën e 1 miliardë dollarëve.

Nga ana e tyre përfaqësuesit e opozitës folën për përgjegjshmërisë e qeverisë në përmbushjen e detyrimeve ligjore. Miratimi i projektligjit për rivlerësimin e pasurive të paluajtshme pritet të ketë efekte financiare në të ardhurat e buxhetit të shtetit për vitin 2017.

Bazuar në të ardhurat e realizuara deri tani,  pritet të arkëtohen rreth 1,4 miliardë lekë nga shtyrja e zbatimit të ligjit.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.