Diskutimi në “Argument” – Tërmeti në Shqipëri / Ana psikologjike, ana shkencore dhe roli i mediave në përballimin e krizës

Në emisionin e sotëm “Argument” nga Enio Civici është folur rreth ngjarjes që ka “pllakosur” kombin shqiptar gjatë këtyre ditëve të fundit, ku tërmeti me magnitudë 6.4 ballë ka lënë plot 46 viktima dhe qindra të plagosur.

Një nga ngjarjet më tragjike të këtyre tre dekadave të fundit në Shqipëri ka qenë padyshim një moment solidariteti njerëzor dhe force a pshembullt nga të gjithë trojet shqiptare, por edhe vendet aleate të kobmeve tona.

Mijëra forca kanë arritur nga vendet mike dhe organizatat më të rëndësishme ndërkombëtare për mobilizimin e gjendjes.

Të ftuar në studio për të folur rreth kësaj situate ka qenë Ben Andoni, Rapo Ormedhi dhe Aleksandra Puçi.

Ajo që shihet si gjëja më problematiek pas kësaj fatkeqësie natyrore shihet se është piëkrisht gjendja psikologjike e qytetarëve dhe pikërisht për psikologia Aleksandra Puçi ka dhënë mendimin e saj për të përballaur gjendjen:

 “Nëse i referohemi popullatës që nuk janë prekur nga fatkeqësitë duhen ndjekur strategjitë të tjera, ndërsa për vendet ku ka viktima ka të tjera mënyra.  Unë kam qenë në terren dhe kam kuptuar që pjesa tjetër e Tiranës është gjynah që ankohet, por të gjithë ne kemi përjetuar ankth dhe frikë, dhe jemi gjatë gjithë kohës në gjendje vigjilence. Ky është instinkti I mbrojtjes dhe që ne kërkojmë të reagojmë për të mborjtur jetën. Këto dy ditë jemi tronditur shumë nga kjo ngjarje, duke mbajtur mendjen tek kufoma dhe tek lajmet që raportojnë dëmet shkatërruese, duke na dhënë një përshtypje sikur ky fenomen ende nuk ka përfunduar. Por, mendoj se mund të bëhet diçka të paktën tek fëmijët që e përjetojnë frikët më shumë se të rriturit, duke folur me ta, duke I shpejguar situatën dhe duke krijuar sa më shumë aktivitet fizik.”

Ndërkohë i ftuari tjetër Rapo Ormeni, ekspert sizmiologjie, në fjalën e tij e trajtoi tërmetin nga ana shkencore, me atë se çfarë simbolizojnë pasgoditjet pas tërmetit të fortë dhe se çfarë duhet të dimë rreth gjendjes së ndërtesave. Sipas tij, e rëndësishme është që të analizohet me kujdes situata pas tërmetit për të parë se kush ishin defektet në ato ndërtesa që shkaktuan edhe viktima:

“Është më mirë ta themi që në fillim se cikli I këtij tërmeti është kompletuar. Ka rënë një goditje e madhe dhe ky është tërmeti i 56-të në historinë e Shqipërisë me magnitudën mbi 6 Rihter. Duke qenë se është një tërmet I fortë, kuptohet se nga energjia e madhe ka pasojat e tij. Forca e tërmetit dhe epiqendra e tij shkaktuan goxha dëme, por fatmirësisht nëse tërmeti do ishte pak më i cekët do të kishte dëmtime edhe më të mëdha, fatmirësisht ky I 26 nëntorit kishte nëj thellësi me rreth 38 kilometra. Duhet shpejguar se tërmetet e mëdhenj shoqërohen me pasgoditje, të cilat vazhdojnë disa muaj, por ndërmjet tyre janë pasgoditjet e mëdha ato që kanë më shumë rëndësi. Janë ato që janë më të ulëta se goditja kryesore. 5.5 magnitudë është godtija më e fortë e regjistruar pas 6.4-ës. Deri tani janë të nivelit 5 e më lart, por ky ritëm me këto magnitude me të vogla janë pa rrezik dhe nuk shkaktojën dëmtime strukturore.”

“Specialistët, bashkitë dhe shteti duhet të verifkojnë ndërtesat me probleme në dëmtime strukturore, por edhe vetë njerëzit kur shohin një dëmtim të tillë duhet të lidhen me specialistët. Zakonisht ndërtimet e vjetra janë ato më të prekurat dhe pallatet të cilat kanë pasur defekte në strukturë dhe duhet të analizohen në mënyrë të veçantë për gabimet që janë bërë në ndërtimin e tyre.”

Ben Andoni, një gazetariI njohur me majft vite eksperiencë, ka sphejguar nga ana e komunikimit publik dhe menaxhimit të situatës nga politiak shqiptare për këtë fatkeqësi natyrore. Ai është shprehur se pas këtij tërmeti e gjtihë jeta e shqiptarëve do të marrë një kthesë mjaft të madhe:

“Mendoj që tërmeti është një kthesë e madhe për jetën e shtetin tonë. Shoh që politika është e pafuqishme kundrejt ngjarjeve të tilla dhe ka një mungesë komunikimi normal me publikun. Jeta jonë pas këtij tërmeti do jetë tjetër, së pari nga ana e madhe e kostos së madhe financiare që duhet të përballojë shteti, por edhe të vlerësimit të dëmeve, që do të jetë një proces goxha I gjatë.  Gjatë këtyrë ditëve më shkoi në mendje se para ardhjes së forcave italiane, në cdo qytet dhe periferi që njiheshin në atë kohë ka pasur një plan urbanistik shumë interesant, për disa nga qytetet kryesore. Unë mendoj që po tu mbështesnim pak tek ato qytetet tona do kishin një pamje krejt tjetër dhe do kursenim këtë katrahurë kaq të madhe. Si njeri i medias apeli im është të kemi një regjistër ku duhet të reduktohet imazhi I pamjes fizike me gjendjen që po ndodh dhe së dyti të shmanget paniku. Një pjesë mendon që është detyrë për tu informuar, por nga ana tjetër ka edhe institucione, të cilat merren veçantërisht me këtë punë. ”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.