Dita Botërore e Dhurimit të Gjakut – Manastitliu: Në 10 ditë, 850 dhurues i bashkohen kësaj kauze

Shqipëria ka 10.7 dhurime për 1000 banorë por duhet të kemi 20 dhurime për 1 mijë banorë që të plotësojmë nevojat. Në periudhën më problematike të vitit për mbulimin e nevojave me gjak, Ministria e Shëndetësisë dhe Mbrojtjes Sociale nisi fushatën e dhurimit vullnetar të gjakut: Mjaftojnë 10 minuta për të shpëtuar 3 jetë!

Në ditën Botërore të Dhurimit të Gjakut, Ministrja e Shëndetësisë dhe Mbrojtjes Sociale Ogerta Manastirliu ishte pranë fëmijëve talasemikë në Lushnje. Në  Bankën e Gjakut pranë spitalit, 86 dhurues nga Lushnja, Fieri dhe Tirana dhuruan gjak për fëmijët talasemikë.

Sinkron: Ogerta MAnastirliu

“Janë 170 fëmijë talasemikë të cilët kanë nevojë jetike për gjak, për të bërë një jetë sa më normale. Mund t’i ndihmojmë të gjithë bashkë, me një akt human që mund ta bëjë secili prej qytetarëve të shëndetshëm. Kur jemi në mesin e fushatës ‘Mjaftojnë vetëm 10 minuta për të shpëtuar 3 jetë.  850 dhurues i janë përgjigjur thirrjes së Ministrisë së Shëndetësisë dhe Mbrojtjes Sociale në ndihmë të fëmijëve talasemikë,” tha Manastirliu në Lushnjë.

Fushata, e cila do të zgjasë deri më datë 4 Korrik, synon të arrijë 1 mijë dhurues vullnetarë për të plotësuar nevojat me gjak gjatë stinës së verës, në mënyrë të veçantë për fëmijët talasemikë.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.